Presidenti turk Recep Tayyip Erdogan, sot do të mbajë një vizitë zyrtare në Ukrainë. I shoqëruar nga delegacioni tij, Erdogan u nis me avionin presidencial drejt shtetit në luftë.
Ai do të ndalojë në qytetin e Lviv, ku pritet të takohet me sekretarin e përgjithshëm të OKB Antonio Guterres dhe presidentin ukrainas, Volodymyr Zelensky. Mediat turke thonë se gjatë vizitës së tij në Ukrainë, Erdogan do t’i propozojë presidentit Zelensky një takim me homologun rus Vladimir Putin.
Në tryezë është edhe propozimi për një armëpushim pas marrëveshjes për zhbllokimin e grurit, të sigluar ne Stamboll mes Kievit dhe Moskës, me ndërmjetësimin e Turqisë dhe OKB.