Telashet për kryeminstren e Finlandës, Sanna Marin, nuk ka të sosur. Këtë herë 36-vjeçarja është detyruar që të kërkojë ndjesë për një tjetër histori, këtë herë për një foto të të ftuarve të saj, “topless”, brenda rezidencës qeveritare, teksa puthen, ndërsa spikat mbishkrimi Finlandë.
Marin është kritikuar për këtë stil jetese, jashtë angazhimeve publike, që tashmë po publikohen gjerësisht në rrjet.
Ajo ka mbajtur një festë private në vilën qeveritare në Helsinki, ku është realizuar fotoja e radhës, për të cilën kryeministrja ka kërkuar ndjesë publikisht, pasi e ka quajtur një foto të papërshtatshme. Sanna Marin ka sqaruar se ka qenë një festë e ngushtë, me sauna, not dhe kohë mes miqsh.