Kryetari i Partisë së Lirisë, Ilir Meta tha se tashmë ai ka dalë në sheshin e betejës, ndërsa iu drejtua me një mesazh edhe kryeministrit Edi Rama, ku paralajmëroi se ata që kanë abuzuar do të bëhen shembuj.
Ai e cilësoi qeverinë Rama një “sekt perversësh”, të cilët mendojnë çdo ditë si të vjedhin më shumë para.
“Ramoviçin ‘is in the final countdown’. Mos më dil përballë as me lepurushë dhe as me lepurushe, se unë e kap demin prej brirësh dhe e plas përdhe, siç e kam bërë dhe në të kaluarën. Ti je një zemërlepur dhe hiq dorë nga raportet e tua me bandat kriminale për të goditur opozitën për të inskenuar krime politike. Ti i ke dosjet plotë, përpiqu që të lehtësosh veten, do dënohesh me ligjet e tua dhe me firmat e tua të pafalsifikuar. Do kesh mjekun tek koka, por edhe policin tek dera që do të respektojë shtetin e së drejtës. As një hakmarrje, vetëm zbatim të ligjeve të tua për firmat që ke hedhur.”