Sa nga Anglia e në Gjermani, shqiparët janë të parët që shkelin në mënyrë ilegale, por edhe të parët që dëbohen më lehtë. Në gjysmën e parë të vitit 2022, autoritetet gjermane kanë dëbuar rreth 6 200 të huaj nga Gjermania.
Destinacionet kryesore ishin Maqedonia e Veriut me mbi 450 të dëbuar dhe Shqipëria (mbi 400), pasuar nga Gjeorgjia (rreth 400). Ndërsa në Kosovë Gjermania ka kthyer me detyrim 130 ish-azilkërkues.
Dëbimet vijojnë të jenë më të shpeshta në kohën e verës. Avioni i fundit me destinacion Shqipërinë u ngrit nga Mynihu të mërkurën, më 24 gusht 2022. Në vitin 2020 ishte Shqipëria destinacioni kryesor i kthimit të detyruar nga Gjermania.