I shumëkërkuar nga Policia dhe i denoncuar si i zhdukur nga familja, ka dyshime që Ervis Martinaj të jetë strehuar në Durrës këto kohë. Deri më 13 gusht, Martinaj është strehuar në këtë qytet dhe më pas dyshohet se punonjësi i polici Jeton Lami e ka transportuar atë drejt qytetit të Tiranës.
Martinaj zgjodhi agjentin Lami për ta transportuar në këmbim të ryshfetit drejt Tiranës, pasi ky i fundit ka informacion se ku ndodheshin postblloqet e Policisë. Në këtë mënyrë Martinaj mund të lëvizte pa problem dhe pa u pikasur nga punonjësi i policisë.
Po ashtu agjenti i policisë i cili vepronte pranë forcave operacionale, e ka transportuar Ervis Martinaj gjatë muajit qershorit në Lezhë e Kurbin e Shkodër.
Martinajt i kanë vrarë bashkëpunëtorë, por edhe familjarë të tij. I fundit ishte djali i xhaxhait të tij, Brilant Martinaj, i cili mbeti viktima nga atentati i refishtë në mbikalimin e Fushë-Krujës që ndodhi më 17 gusht të këtij viti.