Japonia ka bërë të ditur emrin e epokës së re perandorake që do të nisë më 1 maj dhe do të quhet “Reiwa”, çka do të thotë rend dhe harmoni
Aktualisht perandoria është në epokën Heisei, përfundon për një muaj me abdikimin historik të perandorit Akihito.
Sekretari i shefit të kabinetit, Yoshihide Suga bëri të ditur emrin duke mbajtur një tabelë me karakteret e shkruara me dorë.
Kryeministri Shinzo Abe iu drejtua vendit me një fjalim ku shpjegonte kuptimin.
Çdo perandori që mbretëron, apo “gengo” i jepet një emër që përdoret bashkë me kalendarin perëndimor për të shënuar vitet.
Çfarë do të thotë Reiwa?
Termi i erës së re bëhet nga dy karaktere, Rei dhe Wa, që do të thotë “rend” dhe “komandim”, dhe “paqe” dhe “harmoni”.
Për herë të parë ajo merret nga një poemë antologjike japoneze, Manyoshu, ndryshe nga ajo kineze më parë, tha Abe.
Ai shpjegoi se Manyoshu simbolizon “kulturën e thellë publike dhe traditën e gjatë” japoneze.
“Kombi ynë po përballet me një pikë kthese të madhe, por ka hsumë vlera japoneze që nuk duhet të zhduken” i tha Abe gazetarëve.