Tre aksidente kanë ndodhur orët e fundit në Shqipëri.
Aksidenti i parë ndodhi në aksin rrugor Levan-Tepelenë, ku një 49-vjeçar banues në Kosovë duke drejtuar mjetin tip “Jeep” ka përplasur për vdekje një 75-vjeçar banues në Cakran. Bëhet fjalë për shoferin Flamur Maloku 49-vjeç banues në Kosovë dhe Hysen Rucaj 75-vjeç i cili humbi jetën.
Tjetri në rrugën “Shaban Bardhoshi” në Tiranë, ku shtetasi D.T, duke drejtuar automjetin, ka humbur kontrollin mbi drejtimin e tij duke dalë nga rruga dhe ka hyrë në oborrin e një banese. 23-vjeçe që ndodhej në oborrin e banesës së saj, ka ndërruar jetë në spital.
Aksidenti i tretë ka ndodhur mëngjesin e sotëm në Vlorë. Mjeti është përplasur me motorin, ku drejtuesi i të cilit ka përfunduar në spital për ndihmë mjekësore përkatëse.