Policia ka dhënë detaje për ekzekutimin e 57-vjeçarit Ismet Çekorja, djali i të cilit, Bajrami akuzohet për atentatin e dështuar ndaj Alban Bruçit mbrëmjen e 25 gushtit në Shkodër.
Blutë informojnë se viktima u plagos në rrethana të paqarta në lagjen “Guerrile” dhe ndërroi jetë në spital.
Ndërsa po punohet për kapjen e autorit/ëve të ngjarje.
Njoftimi i policisë:
Në lagjen “Guerrile”, në Shkodër, në rrethana ende të paqarta është plagosur me armë zjarri shtetasi I. Ç., 57 vjeç, banues në lagjen “Guerrile”, Shkodër, i cili më pas ka ndërruar jetë në Spitalin Rajonal Shkodër.
Grupi hetimor, nën drejtimin e Prokurorisë, vijon punën në vendngjarje, për sqarimin e plotë të rrethanave, dokumentimin ligjor të kësaj ngjarjeje, me qëllim identifikimin dhe kapjen e autorit/ëve.