Kryetari i Partisë Demokratike, Sali Beisha ka dhënë një prononcim për mediat jashtë dyerve të Kuvendit, ku theksoi se shtatori do të shënjohet nga protesta të fuqishme.
Lideri historik i të djathtës nuk i kurseu akuzat në drejtim të kryeministrit Edi Rama, për të cilin tha se do të japë përgjigje për çdo grabitje dhe vepër penale ndaj qytetarëve shqiptarë.
“Kjo qeveri nuk mbështet qytetarët. Parlamenti është shndërruar në një problem madhor për vendin. Është shndërruar në mbështetje të një qeverie që vjedh qytetarët shqiptarë. Dënoj me përçmim të madh këtë seancë parlamenti. Ka një front opozitar për shpëtimin e Shqipërisë që do të mblidhet e do të miratojë një axhendë, e cila ka si synim një protestë të qëndrueshme popullore. Sot vendi ka një opozitë më të fuqishme se asnjëherë. Rama i ka kohët e numëruara. Do të japë llogari për të gjitha vjedhjet dhe veprat penale. Opozita është në betejë me Edi Ramën. Kryetarja e Kuvendit është thjesht një instrument në duart e tij.”