Kryetari i Partisë së Lirisë, Ilir Meta pasditen e së martës zhvilloi një takim me strukturat e gruas së PL-së në Tiranë, dhe sot përmes një postimi në facebook, shprehet se rikthimi i normalitetit demokratik dhe rikthimi i shpresës për të rinjtë janë dy prioritete emergjente.
Po ashtu Meta shton edhe se për përmbushjen e tyre është domosdoshmëri absolute roli aktiv i vajzave dhe grave.
“Vendi ka nevojë më shumë se kurrë për angazhimin politik të grave dhe vajzave shqiptare. Rikthimi i normalitetit demokratik dhe rikthimi i shpresës që të rinjtë të mos zgjedhin emigracionin, por ta ndërtojnë të ardhmen e tyre në Shqipëri janë dy prioritetete emergjente, për përmbushjen e të cilave roli aktiv i grave dhe vajzave është një domosdoshmëri absolute”.