Një tragjedi është parandaluar nga Policia e Tiranës, pasi ka arrestuar një 57-vjeçari, i cili ushtroi dhunë mbi bashkëshorten e tij dhe kërcënoi me armë efektivët e policisë që i shkuan në shtëpi.
“Shtetasi S. D. ka ushtruar dhunë ndaj bashkëshortes së tij dhe e ka kanosur atë me armë gjahu (çifte). Në momentin që kanë mbërritur shërbimet e Policisë, ky shtetas, ka kanosur me çifte, për shkak të detyrës, edhe punonjësit e Policisë. Pas neutralizimit të tij, 57-vjeçari nuk i është bindur urdhrave të punonjësve të Policisë, për t’u shoqëruar në komisariat”.
Në cilësinë e provës materiale u sekuestrua arma e gjahut (çifte). Materialet i kaluan Prokurorisë, për veprime të mëtejshme.