24-vjeçari që u qëllua për vdekje të martën gjatë ndjekjes nga policia nuk ishte i armatosur. Autoritetet në Londër konfirmuan se në vendin e ngjarjes nuk u gjend asnjë armë, duke hedhur poshtë pretendimet që u ngritën me herët.
“Asnjë armë zjarri që nuk i përkiste policisë nuk është rikuperuar nga automjeti apo vendngjarja”, thuhej në raportin e vdekjes së të riut me ngjyrë Chris Kaba, i cili u ndoq nga oficerë të armatosur teksa drejtonte makinën e tij Audi në jug të Londrës.
Dëshmitarët thanë se makina e tij u bllokua nga automjetet e policisë dhe Kaba u qëllua nga policia.
Ndërkohë, familjarët e të riut kërkojnë drejtësi, ndërsa e konsiderojnë këtë ngjarje “racizëm”.
“Unë kam nevojë për drejtësi. Për ne është krejtësisht raciste dhe kriminale”, u shpreh i ati i të ndjerit.