Sllovakia ka hyrë në histori pasi ka zgjedhur presidenten e parë femër. Gruaja që u zgjodh në krye të shtetit, tha se fitorja e saj tregoi se “mund t’ia dalësh pa sulmuar kundërshtarët”. Ajo ndoqi një fushatë pozitive të bazuar në vlerat progresive dhe reformën politike, duke siguruar një moment të rrallë shprese për politikën liberale në Evropën Qendrore.
Zuzana Caputova, 45 vjeçe, me profesion avokate, fitoi 58.4% të votave në votimin e së shtunës dhe do të marrë detyrën e re në qershor. Fushata e saj u organizua mbi bazën e sloganit “Bëji ballë të keqes”, por ajo hoqi dorë nga sulmet personale ndaj kundërshtarëve të saj dhe foli për rëndësinë e vlerave të “humanizmit, solidaritetit dhe të vërtetës”.
Zuzana Caputova nuk ka mbajtur kurrë më parë një pozicion politik. Avokatja konkurroi me një platformë kundër korrupsionit. Ajo tha se ishte e motivuar për të kandiduar pas vrasjes së një gazetari investigativ në vend, vitin e kaluar.