Dy autorët e vrasjes së biznesmenit shqiptar Xhani Topalli në Rodos u paraqitën këtë të shtunë në ambientet e gjykatës.
Familjarët e 46-vjeçarit shqiptar ishin gjithashtu jashtë dyerve të gjykatës, të cilët janë revoltuar kur kanë parë dy autorët. Forcat policore u mblodhën jashtë godinës për të shmangur ndonjë incident të mundshëm.
“Të kalben në burg”, kanë qenë thirrjet e tyre.
Biznesmeni shqiptar, 46-vjeç, babai i tre fëmijëve u gjet i vrarë në ishullin grek më 6 shtator, i cili ishte zhdukur që prej datës 28 gusht. Të arrestuar si autorë të vrasjes së tij janë hotelieri 53-vjeçar dhe djali i tij një 20-vjeçar.