Pak javë më parë moderatorja Dojna Mema dhe këngëtari Vlashenti mirëpritën në jetë djalin e tyre Nolan Sol. Ashtu si gjatë shtatzënisë, edhe tani që është bërë nënë moderatorja është mjaft aktive në rrjetet socile, duke ndarë momente me të birin. Së fundmi ajo ka postuar një foto në profilin e saj, ku shihet duke i dhënë gji djalit të saj.
“Këto janë momentet e mia më të bukura me ty. Kur dua të të përqafoj e mos të lë të rritesh sepse e di që s’do të jesh asnjeherë kaq i vogël sa sot. Gjidhënia është sfida më e vështirë dhe emocionuese me të cilën po përballem që nga dita e parë, por me ty mam asgjë s’me duket e pamundur. Për të gjitha ditët që dua të heq dorë, të kam ty për të më kujtuar se më ke bërë dhuratën më të bukur në botë kur më zgjodhe të isha mami yt”, ka shkruar moderatorja krahas fotove.
Dojna Mema tregoi se po e kalon në mënyrën më të mirë të mundshme periudhën e post-lindjes. Ajo ka publikoi më herët në Instagram një selfie ku pozonte para pasqyrës me reçipeta dhe xhinse duke vënë në pah barkun e saj. Krah fotos, moderatorja shkroi se dashuron çdo milimetër të trupit të saj, duke shërbyer kështu si një shembull për nënat e reja.
“Jam krenare për trupin tim që për nëntë muaj ishte shtëpia e një qenieje tjetër dhe i dha jetë dashurisë më të madhe times. Kështu që barkun e maskuar në xhinset dy masa më të mëdha dhe shenjën e operimit i dashuroj në çdo milimeter të tyrin. Faleminderit Zot”-shkruan Dojna.
Pak javë më parë Dojna dhe Vlashenti mirëpritën në jetë djalin e tyre Nolan Sol. Nolan do të thotë kampion ose dikush me gjak fisnik. Kurse Sol, një emër neutral nga gjinia, është me origjinë hebraike. Dy kuptimet e tij, “lutje për” ose “paqe”, do t’i tregojnë fëmijës se ata janë një bekim në jetë dhe se e bëjnë botën një vend më të mirë. Është një drejtshkrim alternativ i Saulit, i cili ishte mbreti i parë i Izraelit në Biblën hebraike dhe në Dhiatën e Vjetër të Krishterë. Megjithatë, nuk dimë të themi nëse Dojna dhe Vlashenti janë frymëzuar nga këto kuptime kur i vendosën të birit këtë emër.
Në mars, Dojna Mema njoftoi shtatzëninë përmes një videoje në Instagram. Muaj më parë, moderatorja i tha “PO” këngëtarit, teksa ky i fundit i propozoi për martesë gjatë një udhëtimi në Barcelonë.