Gazetari Artan Hoxha ka publikuar disa video nga Kolumbia, teksa përshkonte rrugën drejt “La Catedral”, burgut privat që Pablo Escobar ndërtoi për vete dhe anëtarët e Kartelit Mendellin para se të ndërpriste luftën me policinë, duke negociuar.
“Një ‘cafe de Colombia’ nën shoqërinë e Andres, të shijon, përpara se të ngjitemi drejt “La Catedral”, burgut privat që Pablo Escobar ndërtoi për vete dhe për 12 pjesëtarë të Kartelit Medellin. Gjatë negociatave me qeverinë kolumbiane, Escobar vendosi ta ndërpriste luftën me policinë dhe të dorëzohej, duke pranuar të vuante një dënim minimal me kusht, që të mos ekstradohej drejt Shteteve të Bashkuara. Escobar e ndërtoi vetë burgun brenda 4 muajsh, në një vend malor rrethuar nga xhungla e dendur në lartësinë 2400 metra, nga ku mund të shikonte Medellinin nga mëngjesi deri në mbrëmje…”