Liqeni i Fierzës që ka kapacitet që të mbajë mbi 3 miliardë metër kub ujë, së fundmi është tharë tërësisht. Muaj më parë niveli i ujit ka qenë shumë i lartë, por mungesa e reshjeve e kanë çuar në këtë situatë. Nga pamjet, duket se liqeni i Vërmicës në pjesën e Kosovës, pjesë e Liqenit të Fierzës, që përbën kaskadën e Drinit, tashmë është kthyer në një kullotë për lopët. Mungesa e reshjeve dhe prodhimi i energjisë në HEC-in e Fierzës e kanë çuar nivelin në 267.12 metër me prurje 100 m3/s. Të dhënat më të fundit nga KESH tregojnë se HEC-et në kaskadën e Drinit janë pranë pikës së vdekjes.
