Një ndërhyrje e re, e shpejtë dhe pa operacion që do vetëm pak minuta, mund të jetë e mundur vetëm duke përdorur gjilpëra dhe energji elektrike, thonë shkencëtarët amerikanë.
Strukturat e kërcit, që janë në vesh apo dhe në hundë, mund të rimodelohen me një rimodelues elektromekanik (EMR) , siç thonë këta shkencëtarë.
Ajo bëhet me anestezi lokale, duke e shpëtuar pacientin nga prerjet, qepjet dhe plagët, thanë ata në një konferencë në Florida. Megjithatë ende nuk është bërë testim tek njerëzit.
Shkencëtarët e kanë testuar EMR-në tek kafshët. Ajo mundi të ndryshme veshët e një lepuri. Por si funksionon?
Kërci është i butë kur e prek, dhe përbëhet nga fije shumë të vogla proteine, të quajtur kolagjen, të lidhura së bashku me proteina të tjera të vogla. Ajo është fleksible por mban formën e saj.
EMR përfshin kalimin e rrymës elektrike përmes përmes gjilpërave të vogla për ta bërë kërcin të lehtë për ta riformësuar. Një nga studiuesit, dr. Michael Hill tha: Sapo indi të jetë i çlirët ju mund ti jepni formën që dëshironi.
Shkencëtarët besojnë se në momentin që indi merr formë dhe të jep mundësinë ta rregullosh dhe të ngurtësohet për disa minuta, ndryshimi bëhet i përhershëm.
Dr. Hill dhe kolegu i tij prof. Brian Wong, nga universiteti i Kalifornisë thanë në takimin e American Chemical Society se EMR mund të jetë i përdorshëm dhe për shumë trajtime të tjera, si tendinat e ngushta dhe problemet e shikimit që shkaktuara nga forma e kornesë së syrit.