Ana, e cila jeton në Itali që prej viteve ‘90, ka rrëfyer në rubrikën “Ka një mesazh për ty” vështirësitë që ka kaluar veçanërisht vitet e fundit, të cilat nuk kanë qenë aspak të lehta për të.
Ajo ka ftuar Masimon, partnerin e saj italian, i cili ka qenë një mbështetje mjaft e madhe.
Pasi u diagnostikua me kancer, Ana shprehet se me përkrahjen e Masimos ajo e ka përballuar mjaft mirë, duke i dhënë dhe forcë për të dashur jetën sa më shumë. Kur erdhi në studio, Masimo u shpreh i habitur sepse ai nuk njeh asnjë në Shqipëri që ta ftojë në emision dhe mendoi se ndoshta mund të ketë qenë dhe policia.
Ardit Gjebrea: Ju kë njihni në Shqipëri që mund t’ju ketë ftuar në studio?
Masimo: Unë në Shqipëri nuk njoh asnjë të jem i sinqertë. Shpresoj vetëm që mos jetë policia që mund të më ketë sjellë këtu.
Ardit Gjebrea: Po pse çfarë ke bërë në Shqipëri që të të thërrasë policia?
Masimo: Shpresoj asnjë gjë. Nuk e di kush mund të ma ketë dërguar këtë ftesë me thënë të drejtën.
Kur Masimo e shikon Anën në ekran thotë se është gruaja e tij dhe emocionohet. Ana e falënderon atë për vullnetin dhe mbështetjen që i ka dhënë prej kaq shumë kohësh dhe nuk ia ka lëshuar kurrë dorën.