Autoritetet angleze kanë arrestuar një 24-vjeçar shqiptar në një “shtëpi bari” në Angli.
Policia kishte shkuar në pronë për kontroll, kur Hygert Geca goditi një nga policët në tentativë për t’iu shpëtuar prangave, por u arrestua vetëm pak momente më pas.
Avokati i tij tha se Shqipëria është ndër vendet më të varfra dhe se 24-vjeçari mori hua mijëra dollarë nga familja e tij për të paguar bandën që e solli në mënyrë të paligjshme përtej Kanalit Anglez dhe se më pas ishte i detyruar të punonte që të shlyente borxhin.