22-vjeçarja Mahsa Amini u vra nga policia e Iranit, me motivin se e kishte vendosur keq hixhabin, një shami e detyeshme për gratë atje. Krimi tragjik ka shkaktuar zemëratë dhe protesta masive.
Demonstratat u përqendruan në Teheran dhe në zonën e Kurdistanit, ku si pasojë e përleshjeve, pati 5 viktima. Dhjetëra gra marshuan pa shami dhe prenë flokët, në shenjë proteste ndaj policisë së Iranit, e cila dhunoi për vdekje pak ditë më parë 22-vjeçaren.
Amini banore në rajonin e Kurdistanit iranian, ishte me pushime me familjen e saj në Teheran, kur u ndalua nga policia me pretendimin se ishte veshur në mënyrë të papërshtatshme.
22-vjeçarja u dërgua me një furgon në një komisariat pranë bulevardit Keshvarz në kryeqytet dhe për shkak të dhunës, ra në gjendje kome.