Hetimet për kompleksin “Partizani”, bëjnë që këtë të mërkurë ish-ministri i Mbrojtjes, Fatmir Mediu të paraqitet në SPAK, kjo për t’u marrë në pyetje. Mediu është paraqitur në SPAK pa avokat mbrojtës. Ish-ministri Mediu do të pyetet si person që ka dijeni për rrethanat e hetimit për dosjen.
Privatizimi i kompleksit “Partizani” është një dosje që tashmë e ka në dorë Prokuroria e Posaçme. Në këtë padi të bërë nga Taulant Balla akuzohen për shpërdorim detyre ish-kryeministri Sali Berisha, dhëndri i tij Jamarbër Malltezi dhe ish-ministri Arben Imami.
Një pronë me rreth 10.000 m2, mu në qendër të Tiranës në vitin 2008 e prapa është privatizuar me një vlerë prej 100.000 dollarë. Nëse çdo qytetar shqiptarë do ta vlerësonte është një pronë me 10.000 m2 duke ndërtuar 17 kulla me një vlerë 21 milionë euro kjo është blerë më pak se vlera e një garsoniere të shitur në atë zonë. Në letrën për SPAK Balla ka kërkoi informacion se çfarë është bërë me këtë hetim.