Gjermania do të vijojë mbështetjen e integrimit të Shqipërisë në Bashkimin Evropian. Sekretari i Përgjithshëm i PS Damian Gjiknuri i shoqëruar dhe nga Blerina Gjylameti Sekretare për Organizimin dhe Sekretari Dixhital Etjen Xhafaj zhvilloi një takim pune në Berlin me Sekretarin e Shtetit në Ministrinë e Bashkëpunimit Ekonomik, Niels Annen.
“Folëm për bashkëpunimin dypalësh, mbështetjen e Gjermanisë, zhvillimet e brendshme dhe rolin e Shqipërisë në politikën rajonale. Na siguroi se Gjermania mbështet plotësisht integrimin e Shqipërisë në Bashkimin Evropian dhe do të vazhdojë të japë kontribut themelor në procesin e integrimit rajonal duke mbështetur nëpërmjet mekanizmave të BE dhe ato bilateriale investimet që synojnë ndërlidhjen rajonale”, shkruan Gjiknuri në FB.
Gjatë vizitës së tij në Gjermani, Sekretari i Përgjithshëm i PS u takua dhe me kryetarin e SPD Lars Klingbeil, Kryetarin e Grupit Parlamentar të SPD Rolf Mützenich, Ministren e Brendshme Federale Nancy Faeser, Ministren e Mbrojtjes Kristine Lampreht, Ministren e Ekonomisë dhe bashkëpunimit ekonomik Svenja Schulze, Sekretarin e Shtetit në Ministrinë e Brendshme Rita Schëarzelühr-Sutter, ish-kryetarët legjendar të SPD Franz Müntefering e Rudolf Scharping, ish-kryetarin e Bashkisë së Berlinit Michael Müller ashtu sikurse deputeten dhe njëkohësisht zëdhënëse për politikat ekonomike të SPD Marja Lissa Vollers.
Të fundit
Gjiknuri takon Sekretarin e Shtetit për Bashkëpunimin Ekonomik: Investimet synojnë ndërlidhjen rajonale
1 Min Read
Postime te ngjashme
Add A Comment