Drejtuesit e “Turgut Ozal”, në një prononcim për mediat kanë kundërshtuar vendimin e qeverisë për mbylljen e kopshtit “Zübeyde Hanım”, pjesë e këtij kolegji.
Ata kanë pohuar se do ta ndjekin çëshjen në rrugë ligjore, duke shtuar se inspektimet nga ana e Ministrisë së Arsimit janë bërë rutinë. Drejtoresha didaktike, Gentjana Burimi pohoi se që nga 2004 është kryer mësimi në kushte moderne, në të gjitha ciklet.
Nga ana tjetër, avokati i “Turgut Ozal”, sqaroi se kolegji nuk ka lidhje me fondacionin “Gulistan”.
“Ndodhemi këtu që nga 2004, kemi pasur korrespondencë të vazhdueshme me MASH. MASH s’ka respektuar ligjet, kjo është reflektuar në këtë urdhër të padrejtë. Ministrja mendon që për 24 fëmijët largohen nga kopshti, ky proces do kohën e tyre. S’e dimë çfarë fshihet pas këtij vendimi. Duam plan zbatimi, i jemi bindur urdhrit të MASH. Kohët e fundit kemi pasur kontrolle periodike. Kopshti në të kaluarën ka qenë pjesë e fondacionit “Gulistan”, kjo në vitin 2004″.