Në konferencën me gazetarët, Sali Berisha ka komentuar edhe mbylljen e kopshteve dhe shkollave turke, ku i cilësoi si çnjerëzore. Ai tha se Shqipëria është një shtet sovran dhe jo vasal i Turqisë.
“Problemet ideologjike që ka Erdogani me Gylenin janë probleme të Turqisë, jo të Shqipërisë. Nga Shqipëria ne nuk do lejonim kurrë që të lejoheshin akte dhe provokime turke. Po këto janë akte çnjerëzore, të çohet kryeministri të mbyll një kopsht. Në çdo vend të botës, kjo shkollë plotësisht legjitime në harkun arsimor do shkonte në gjykatë, po kjo s’ndodh në një vend ku s’ka drejtësi. Ka drejtësi karnavalesh. Ata fëmijë që u mbyllën shkollën, sot ai s’merr vendim se u duhen vite. Shqipëria është shtet sovran s’mund të jetë vasal i askujt. Ai gazetari që u përzu, ne po e studiojmë rastin e tij. A u ndoqën rregullat e duhura apo u mor në celular Edi Rama”.