Deputeti demokrat Belind Këlliçi ka komentuar për herë të parë zërat se do të jetë kandidat për Bashkinë e Tiranës në pranverën e vitit 2023. Ai ka thënë se zgjedhjet lokale kanë interes të madh dhe janë test dhe për opozitën që nuk garoi katër vite më parë.
Duke folur për emisionin “Kafe Shqeto”, Këlliçi u shpreh se ai deri tani nuk ka asnjë aspiratë për të garuar për këtë post, as nuk e ka kërkuar dhe as nuk e synon një betejë politike, me shumë mundësi, përballë Erion Veliajt.
“Nuk kam … Strategji jo njëherë, fare – tha pa hezitim Këlliçi. – “Me thënë të drejtën u bë pak kohë që kjo çështje flitet; pa diskutim që ka interes në raport me zgjedhjet lokale, është testi më i rëndësishëm me të cilin opozita do të përballet, zgjedhjet e ardhshme lokale.
Unë personalisht nuk e kam shprehur ndonjëherë këtë aspiratë, nuk e kam kërkuar dhe nuk kam thënë që synoj që të kem këtë pozicion e t’i futem kësaj gare, por nga ana tjetër gjithë ky perceptim vjen për shkak të qëndrimeve të mia – jo kritike, por brutale – për sa i përket Kryetarit të Bashkisë”, tha deputeti i PD.