Nga 1 tetori konsumatorët që harxhojnë më shumë se 800 kWh do të paguajnë 42 lekë/kWh.
Ministrja e Energjisë dhe Infrastrukturës, Belinda Balluku ka bërë publike së fundmi një tabelë shpjeguese për konsumin e energjisë.
Përmes një postimi në “Facebook”, Balluku ka renditur pajisjet shtëpiake që mbulojnë 800kWh në muaj.
“Çfarë aktivitetesh shtëpiake mbulojnë 800kWH? Lexoni tabelën dhe krahasoni konsumin tuaj mujor. Kursimi është ajo çka të gjithë duhet të bëjmë në këtë moment të vështirë të krizës energjetike në mbarë botën. Kursejmë që të kemi!”, shkruan ministrja.
Rritja e energjisë është parashikuar të aplikohet vetëm për periudhën tetor-dhjetor, ndërkohë që më pas do të ketë një vendimmarrje të dytë në varësi të situatës meteorologjike.