Rivaliteti i madh që ekzistoi mes këngës së Alban Ramosajt (Theje) dhe Ronela Hajatit (Sekret) në “Festivalin e Këngës” u duk se ndikoi në marrëdhënien e tyre.
Së fundmi moderatori Ardit Gjebrea ka publikuar në llogarinë e tij në Instagram, një foto të dy këngëtarëve së bashku krahas së cilës shkruan: “Gati për Shihemi në Gjyq??? Apo mos është efekti i dashurisë magjike”, shoqëruar me emoji të qeshurash.
Fotoja e Ronelës dhe Albanit duket se është shkrepur në një studio, ndërsa nuk është e qartë nëse dyshja do të sjellin ndonjë bashkëpunim ose projekt në “Kënga Magjike.”
Gjithashtu nuk ka munguar as komenti i Eni Çobanit, e cila shkruan se do të ishte “një seancë nga ato që nuk harrohen.”
Këngëtari nuk e mbështeti, të paktën publikisht, përfaqësuesen e Shqipërisë në Festivalin Europian, teksa ka deklaruar se ‘Festivali i Këngës’ është treguar racist dhe jo i drejtë në zgjedhjen e përfaqësuesit në Eurovision. Tezja e tij, Albërie Hadërgjonaj, deklaroi “Me këtë (Rona Nishliun) nuk qeshi Evropa po na zbardhi faqen” pak pas finales së Eurovision. Teksa u shpreh se nëse nipi i saj, Alban Ramosaj, do kishte fituar “Festivalin e Këngës” do kishte prekur finalen.
Por si janë realisht marrëdhëniet mes tyre?
Në dukje mjaft të mira, aq sa ekziston edhe mundësia që të bashkëpunojnë së bashku.