Moti i keq me reshje shiu dhe stuhi ka krijuar problemet e para në disa qytete të vendit.
Urat lidhëse të disa fshatrave në zonën e Pukës janë dëmtuar si pasojë e prurjeve të përrenjve, ndërkohë që ka pasur probleme edhe me ujësjellësat të cilat në disa zona kanë dalë jashtë funksionit.
Kryetari i bashkisë, Gjon Gjonaj thotë se situata është e vështirë në disa fshatra kryesisht nga përrenjt malorë por situata po monitorohet dhe punonjësit e shërbimeve të Bashkisë Pukë janë në terren për monitorimin e situatës.