“Ndrangheta dhe mafia shqiptare janë gjithnjë e më të rrezikshme në aksin Amsterdam-Bruksel”, shkruan mediat italiane “Europa Today”, në një artikull të publikuar së fundmi. Policia holandeze arrestoi katër burra të dyshuar të lidhur me mafien e trafikut të drogës në Evropën Veriore, të gjithë të dyshuar si autorë të tentativës për rrëmbimin e ministrit belg të drejtësisë Vincent Van Quickenborne.
Plani i dështuar i rrëmbimit u pengua thuajse rastësisht nga policia holandeze, e cila të enjten e kaluar identifikoi një makinë me targë holandeze të parkuar jashtë shtëpisë së ministrit belg, brenda të cilës kishte: një pushkë dhe shirit ngjitës, ndërsa në një makinë tjetër, po ashtu e regjistruar në Holandë, janë gjetur disa shishe me benzinë.
Ministri në një video-mesazh të transmetuar nga radio-televizioni belg RTBF, komentoi ngjarjen duke folur për “mafinë e drogës”. ”Për momentin do të jem nën mbikëqyrje të ngushtë dhe nuk do të mund të marr pjesë në disa aktivitete të planifikuara në ditët në vijim. Nuk është e këndshme, por është e kuptueshme”.
Lajmi për tentativën e rrëmbimit njofton përshkallëzimin e pranisë mafioze në Evropën veriore dhe vjen një vit pas fjalëve nga prokurori i Republikës së Catanzaro Nicola Gratteri kur duke komentuar pritën kundër gazetarit Peter R. de Vries, përveç nënvizimit të rritjes eksponenciale të drogës dhe dhunës në Evropën veriore, ai theksoi edhe tendencën e “Hollandës për të nënvlerësuar mafien ” mund të sjellë pasoja.