Taksisti Uljan Kolgjegja ka folur për zhdukjen e mbretit të lojërave të fatit, Ervis Martinaj dhe vrasjen e kushëririt të tij Brilant Martinaj.
Ai ka treguar se ka parandjenjë që Martinaj është gjallë dhe se nëse ai ka vdekur, Kolgjegja nuk do të ketë më jetë. Për sa i përket vdekjes së Brilantit, ai është shprehur se atë e kanë ekzekutuar 3 persona që do të japin shumë shpejt llogari para drejtësisë.
“Brilantin e kam pasur si vëllain e vogël. Visin e kam mbretin tim. Pa Visin nuk kam frymë. Atë ditë që do vdesë Visi, atë ditë do jem edhe unë në botën tjetër. Kam parandjenjë që Visi do jetë mirë.
Brilantin e kam vëlla të vogël. Sa kam mbushur 18 vjeç e kam çuar me taksi në Europë, në Amsterdam. Atë që i kanë bërë për Brilantin…Zoti vonon por nuk harron. E takoja shpesh. Herën e fundit folëm për punët tona, nuk thuhen ato gjëra. Gjëra çunat.
Është parandjenja ime që nuk e ka gjetur gjë. Komunikoj javë për javë. Iki tek Brilanti, shkoj edhe tek ata. Mediat nxjerrin gjëra, kuptoje vetë si janë bërë. Unë u jap kurajo. Unë Visin e kam bërë tatu tek dora para 2 viteve. Brilanti thoshte ma bëj edhe mua tatuazh. Këmbëngultë gjithmonë, edhe ka qenë prezent edhe Stresi. Do e bëj portret Brilantin. Ata që i kanë prerë ëndrrën e Brilantit kanë bërë shumë gabim. Zoti vonon por nuk harron, për ata të tre e kam. Do marrin dënimin që meritojnë. Dënimin e marrin nga shteti,” ka thënë ai.