Vendosja e datës së zgjedhjeve vendore 2023 është në fokus të politikës. Një ditë më parë në presidencë u zhvilluan takime intensive, ku kreu i shtetit, Bajram Begaj priti përfaqësues të partive politike për të diskutuar për datën e zgjedhjeve.
Alternativa më e mbështetur është data 14 maj 2023. Takimet do të vijojnë edhe këtë të mërkurë, ku në zyrën e Begajt do të shkojnë kreu i grupit socialist Taulant Balla dhe Shpëtim Idrizin i PDIU-së.
Të martën presidenti takoi Ilir Metën, Oerd Bylykbashin, Vangjel Dulen, Dashamir Shehin, Fatmir Mediun dhe Agron Dukën.