Studentja që qëlloi sot me gurë dhe theu xhamat e derës së universitetit në Shkodër nuk është e panjohur për publikun.
Bëhet fjalë për studenten Desada Susaj, e cila në muajin shkurt të këtij viti denoncoi një efektiv të FNSH-së, duke e akuzuar se e kishte ngacmuar seksualisht në tualetet e shkollës, teksa studentët po zhvillonin protestën. Denoncimi i saj u bë fillimisht publik nga ish-kryeministri Sali Berisha, dhe më pas nxiti një sërë protestash të tjera studentore në Shkodër.
Studentja është gjithashtu mbesë e muzikantit të njohur tropojan Kolë Susaj, ky i fundit i nderuar nga ish presidenti Bujar Nishani me titullin “Mjeshtër i Madh”. Desada Susaj është shfaqur edhe në emisione të ndryshme radiofonike, pasi iu bashkua studentëve të ngujuar në Fakultetin e Juridikut në Tiranë.