Kreu i grupit parlamentar të PD-së, Enkelejd Alibeaj nuk është pro që opozita të ketë një kandidat të përbashkët për zgjedhjet lokale të 2023. Për të lëvizjet e tjera në kampin opozitar për kandidatë të tjerë, nuk i shërbejnë Partisë Demokratike.
“PD do të hyjë në zgjedhjet lokale të 2023. Qytetarët shqiptarë mezi presin të shkojnë në zgjedhje. Shoqëria duhet të shprehë vullnetin e saj ndaj pushtetit. Ka vetëm një subjekt ligjor me emrin PD, ky subjekt ligjor që drejtoj do marrë pjesë në zgjedhje”, tha Alibeaj.
I pyetur sesi bëhet bashkimi i PD-së, Alibeaj u shpreh se baza demokrate është manipuluar. Ai ndërkohë u shpreh i hapur për të diskutuar brenda opozitës për një draft të reformës territoriale. “Ne jemi të hapur për të diskutuar për territorialen mes opozitës. Prej kohësh ne kemi kërkuar që të kemi një produkt të përbashkët”.
Kreu i Grupit Parlamentar foli edhe për financimet ruse në PD, ku tha se Basha është hetuar për këtë çështje, dhe se non-grata e Berishës është politike.