Alqi Bllako doli nga burgu, SPAK-u kundërshton vendimin për ish-deputetin e PS-së

Ish-deputeti i PS-së, Alqi Bllako të enjten e kaluar doli nga burgu. SPAK-u kërkon rikthim në qeli të ish-deputetit socialist, masa e sigurisë ndaj të cilit u zbut nga “arrest në burg” në “arrest shtëpie”. Mbi deputetin rëndojnë akuzat e shpërdorimit të detyrës dhe korrupsionit. Nga hetimet rezulton se në bashkëpunim me ish-ministrin Lefter Koka, Bllako ka falsifikuar dokumentin në lidhje me sipërfaqen e tokës ku u ndërtua inceneratori i Fierit, duke i shkaktuar dëm buxhetit të shtetit prej 16 milionë lekësh.