I mandatuari nga grupi i Alibeajt për të negociuar me “Rithemelimin”, Gazment Bardhi theksoi se palët duhet të ulen në tavolinë pa asnjë kusht.
Deputeti demokrat deklaroi se bëhet fjalë për bisedime për të mirën e PD-së, me qëllim gjetjen e një formule bashkëpunimi për zgjedhjet vendore të 2023.
“Në dijeninë time zoti Berisha ka caktuar zotin Paloka për të biseduar. Do të kontaktoj me zotin Paloka. S’do negocioj me zotin Paloka, do të bisedojë me të për të hulumtuar mundësinë që demokratët të kenë një kandidat të përbashkët për zgjedhjet lokale. Me këtë rriten shanset për të fituar zgjedhjet. Nuk bëj bisedime para kamerave. Do të bisedoj me zotin Paloka për të parë se kush është grupi i kolegëve që përfaqëson zoti Paloka. Do shprehim qëndrim. As nuk hyjmë me kushte, as nuk pranojmë kushte, se nuk pranojnë demokratët”, tha ai.