Nuk kanë të ndalur hakerat iranianë me sulmet kibernetike, pasi pretendojnë se kanë arritur të marrin të dhënat nga sistemi Depp See i Policisë së Shtetit. “Është hapur Kutia e Pandorës, qeveritë arrogante vazhdojnë dëshpërimisht të mohojnë të vërtetën”.
Formati “Deep Sea”, përfshin çdo informacion të mundshëm për çdo person me një të kaluar kriminale. Po ashtu përfshin informacionin e kaluar, vendndodhjen aktuale dhe kontaktet, raportet detajuese të përgatitura nga agjentët e policisë, gjithashtu informacione për këta agjentë policie.
Rreth 100.000 emra janë në sistem, informacionet e pasaportave dhe detajet për udhëtimet, të tëra janë të bashkangjitura. Në të përfshihen më shumë se 20 databaza.