PSG dhe Benfika kanë regjistruar një tjetër barazim 1-1 në sfidën mes tyre, duke bërë që në Grupin H të Ligës së Kampioneve të mbetet gjithçka e hapur.
Një fitore do të kualifikonte secilën prej këtyre dy skuadrave, por asnjëra nuk ia ka dalë të shënojë përveçse nga pika e bardhë me Mbappe nga një anë dhe Zhoao Mario në tjetrën të cilët tundën rrjetën në këtë duel.
Barazimi 1-1 bën që dy ekipet të jenë në kuotën e 8 pikëve dhe të jenë të avantazhuara për t’u kualifikuar, por gjithçka do të vendoset në sfidat që kanë me Juventus e Makabi Haifa.