Policia e Korçës ka vënë në pranga Martina Pajollarin, e dyshuar si bashkëpunëtore në vrasjen e Martinit Çeços në 18 qershor të këtij viti. Policia ka arritur të sigurojë provat e mjaftueshme që vërtetojnë se kjo shtetase ka bashkëpunuar me tre autorët e arrestuar më herët, Bleti Angjo, Valter dhe Edlir Mollaj, të cilët vuajnë dënimin në burgun e Drenovës.
Në bashkëpunim me njëri tjetrin, ata kanë dhunuar e më pas kanë hedhur trupin e pajetë të 26-vjeçarit në rezervuarin e Kolanecit në Maliq, trup i cili u gjet nga banorët e zonës disa ditë pasi familja e viktimës e denoncoi të humbur.
Martina Pajollari dyshohet se ka qenë vajza e lidhur me viktimën, por edhe në një lidhje të dyfishtë me Valter Mollajn, autor i vrasjes.