Në një kohë që pedagogët janë në ditën e dytë të bojkotit të procesit arsimor, kryeministri Edi Rama thotë se nuk do të ketë rritje pagash.
”Patëm një debat me rekotorët për çështjen e pagave. Bota akademike dhe universitare është ndryshe nga pjesa tjetër. Universitetet nuk janë gjimnaze dhe shkolla 9-vjeçare. Janë trupa që mbahen vetëm me pagën e shtetit. Them përgjithësisht se me reformën e autonomisë spitalore do diferencohen edhe pagat e mjekëve.
Universiteti duhet ta ketë në ADN-në e tij thithjen nga tregu. Të jetë një aktor në treg që të jetë një magnet për të thithur edhe fondet për kërkimin shkencor. Kjo sjell domosdoshmërinë që të kuptojmë se qeveria rrit pagat në mënyrë uniforme ka mbaruar. Autonomia është liri dhe përgjegjësi. Është hera e fundit që bëjmë rritje page uniforme”.