Në pranga 2 operatorë dhe administratori i një Call Center, i bindnin të investonin në ”Forex”

Një ”Call Center” ishte një strofull mashtrimi, por është zbuluar nga Policia dhe ndaj ka çuar në pranga 3 persona, e ndërsa në kërkim është shpallur pronari. Në pranga kanë rënë administratori me inicialet D. T. dhe 2 operatorët E. Ll. dhe E. A., e ndërsa në kërkim është shpallur pronari A. T.. Call Center ishte në zonën e ish-Parkut dhe i pa regjistruar në organet kompentente. Nga sa bëhet e ditur 2 operatorët së bashku me administratorin, telefononin shtetas të huaj, u prezantoheshin si agjentë shitjesh dhe përmes mashtrimit, i bindnin ata që të investonin në bursën fiktive Forex.