Takimi mes dy negociatorëve të grupeve brenda PD-së, u përmend nga Sali Berisha në konferencën me gazetarët, ku theksoi se palët kanë bërë deklarata se po shkohet drejt një pozitiviteti.
“Janë takuar dje, do takohen kanë bërë deklarata se po shkohet drejt një pozitiviteti. PD ka statutin e vet. Ata janë anëtarë dhe deputetë të PD. Bisedimet janë të sinqerta”,-tha Berisha, ndërsa refuzoi të komentojë zërat se në këto negociata janë kërkuar 20 bashki nga Gazment Bardhi, ndërsa tha vetëm se një gjë të tillë nuk e ka dëgjuar.
Nga ana tjetër, Berisha shprehu qëndrimin e tij për një bashkim të plotë të PD-së. “Jam për një bashkim të plotë të PD, ky grup ka të hapura mundësitë si për bashkim të plotë si për fraksionet. Ne kemi nenin që njeh fraksionin”.