“Gangsterët e pamëshirshëm shqiptarë po shpërndajnë video shumë të dhunshme në rrjetet sociale për kontrollin e biznesit fitimprurës të kanabisit në Mbretërinë e Bashkuar”, kështu shkruan gazeta britanike Daily Mail.
Pamjet e të shpërndara në Tik Tok tregojnë “gangsterët” duke përdorur rrëmbimet, burgosjet dhe rrahjet brutale për të vulosur autoritetin e tyre në biznesin e shpërndarjes së drograve. Videot, disa prej tyre me më shumë se 10 mijë shikime, tregojnë viktima me shenja të frikshme dhune dhe duke u lutur për ndihmë si një paralajmërim për atë që u ndodh atyre që ngatërrohen me ata.
Shkrimi i Daily Mail:
Kriminologët thanë se bandat po e orkestrojnë në mënyrë të kujdesshme videot e përgjakshme në media, duke reklamuar dhunën për bandat e tjera rivale dhe për të rekrutuar anëtarë të rinj.
Një hetim i fshehtë nga Mail zbuloi gjithashtu se si trafikantët e njerëzve u ofronin migrantëve të paligjshëm mundësinë për të punuar në shtëpitë e kanabisit në Mbretërinë e Bashkuar për të shlyer borxhin e tyre pas mbërritjes.
Sindikata e Forcave Kufitare paralajmëroi Sekretarin e Brendshëm se rritja e emigrantëve kriminalë përbën një ‘rrezik të konsiderueshëm’ për sigurinë kombëtare, me “meshkujt e rinj” me lidhje të dyshuara me krimin e organizuar.
Shqiptarët përbënin rreth 60 për qind të emigrantëve të Kanalit gjatë verës, me deri në 7 mijë që mendohet se kanë arritur në Mbretërinë e SHBA deri më tani këtë vit, shumë prej të cilëve dyshohet se janë zhytur në botën e krimit brutal.
Shqipëria kishte numrin më të lartë të shtetasve të huaj në burgjet angleze dhe të Uellsit vitin e kaluar, me 1,528 të burgosur, gati dyfishi i vendit më të lartë.
Një video e TikTok me mbishkrimin ‘e keqja vjen nga ne’ me mbi 11 mijë shikime tregon një shqiptar që merr në pyetje një person me sy të zinj të fryrë për ta detyruar atë të rrëfejë si ka hyrë në fabrikën e tyre të kanabisit dhe të zbulojë njeriun që e ka dërguar.