Një 51-vjeçar është shpallur në kërkim nga Policia e Tiranës, pasi gjatë një konflikti me të fejuarën e tij, e ka qëlluar thikë. Gruaja, ndodhet në spital jashtë rrezikut për jetën.
Ngjarja po ndiqet nga Shërbimet e Komisariatit nr.4, të cilët janë vënë në kërkim të shtetasit me inicialet Gj.M.
“Specialistët për Hetimin e Krimeve të Komisariatit të Policisë Nr. 4 kanë referuar materialet në Prokurori dhe po punojnë për kapjen e shtetasit Gj. M., 51 vjeç, pasi gjatë një konflikti për motive të dobëta, mbrëmjen e djeshme, ka goditur me mjet prerës, të fejuarën e tij 38-vjeçare, e cila ndodhet jashtë rrezikut për jetën”, njofton Policia e Tiranës.