Kryeministri Edi Rama ka uruar Giorgia Meloni për postin e kryeministres së Italisë.
“Urime gruas së parë të zgjedhur nga populli për të udhëhequr Italinë, një shtet të cilit Shqipëria i detyrohet shumë dhe me të cilin na lidh një miqësi e vjetër dhe vëllazërore, që gjithmonë ka frymëzuar marrëdhëniet midis tyre. Të ectë mbarë”, shkroi Rama në Twitter.
Meloni është liderja e partisë së ekstremit të djathtë “Vëllezërit e Italisë”, axhenda e së cilës i ka rrënjët në euroskepticizmin dhe frenimin e emigracionit masiv.
Në një postim në Twitter të enjten, Meloni shprehu angazhimin e saj të palëkundur për të udhëhequr një qeveri të re të unifikuar.
“Ne jemi të gatshëm t’i ofrojmë Italisë një qeveri që mund të trajtojë me kompetencë dhe me vetëdije sfidat dhe emergjencat e sotme,” tha ajo.