E mbani mend këngëtarin nga Fieri Erion Korini, i cili preferonte muzikën pop dhe ka bashkëpunuar edhe me Greta Koçin në baladën “Kush ka faj”.
Në një dalje të rrallë televizive, në “Aldo Morning Shoë” ai tregoi eksperiencën e tij me zgjedhjen e njeriut të jetës dhe konsultimin me prindërit.
Këngëtari kujton veten në moshën 20-vjeçare kur ai u dashurua me një vajzë dhe nuk e kuptonte arsyen pse duhej të fliste me prindërit për këtë. Megjithatë, sot ai tha se ka ndryshuar mendje.
“Unë kujtova ca episode të miat kur isha i ri, e lidha me veten time 20 vjeç.
Njoha një vajzë, rashë në dashuri dhe normalisht më thanë që sipas traditës që duhet të lajmëroja prindërit, t’i thosha, ta diskutoja këtë gjë.
Edhe pse nuk kuptoja pse duhet të shkoja te babai, pse duhet t’ia thosha sepse më dukej që ishte një gjë e mbyllur, e ezauruar, unë duhesha me të dhe kaq mbaroi. I thashë ba, unë dua një vajzë. “Po mirë, dakord”, tha, “po familja, si është familja?” I thashë po ç’rëndësi ka familja kur unë dua vajzën?
Më tha mua që “shiko, nga pema e mirë del lulja e bukur”. Unë në atë kohë nuk e kuptova, por tani që vajta 45 vjeç e kuptoj çfarë donte të thoshte babai.