Eksperti i kriminalistikës, Ervin Karamuço ka folur për vdekjen e të riut Lear Kurti në rrethana misterioze pas shoqërimit në komisariat. Ai u shpreh se autopsia e viktimës është bërë në 5 të mëngjesit dhe jo pas 12 orësh që nga ndarja e tij nga jeta ashtu siç është e përcaktuar në ligj.
“Ligji për autopsinë përcakton se një autopsi nuk kryhet pa u mbushur 12 orë. Në raste të jashtëzakonshme bëhet me përfundimin e 4 orëshit. Por kush janë këto raste. Ka raste për ngjarje shumë të ngutshme. Elementet e tjerë janë të lidhura. Ta kryesh brenda 5 orëve, nuk arrin që trupi të ketë proçeset. Rastet përjashtuese janë shumë të jashtëzakonshme. Por pse është nisur ta bëjë kaq shpejtë?
Në 5 të mëngjesit? Pa dal akti i ekspertizës? A ka pasur drogë? Në çfarë niveli ka qenë në gjak? Masa sa ka qenë e përdorur? Ato kanë 0.3-0.5 gram dhe nuk mendoj se sjellin menjëherë pasoja? Ai sapo është kapur ai ka qenë në gjendje të fikëti.”
“Ca dru të shtrembër në polici po na prishin imazhin. Këto janë armiku i padukshëm që po dëmtojmë policinë. Gënjeshtra më e madhe është se qëndronte në market? Por jo ai ka qenë duke ecur. Në kamer nëse ti i lexon të drejtat një personi, nëse e prangos?
Nëse ai nuk është i ndërgjegjshëm në kushtet e një problemi nuk e çon dot në komisariat por në spital. I jep ndihmë mjekësore. Në videon e dytë ato pamje janë se diçka ka ndodhur dhe tre policë janë zhvendosur dhe vetëm njëri mundohet të sjellë në ndërgjegje. Këto janë kode, dhe aftësitë e policive e kthejmë në një shenjë hakmarrje kur na ikën dikush.” u shpreh Karamuço.