“World Justice Projetc”, zbulon se Shqipëria ka rënë me tre vende në Indeksin e Sundimit të Ligjit për vitin 2022. Renditja përcaktohet nga faktorë të rëndësishëm, të lidhura ngushtë me ligjin dhe të drejtën. Faktor i rëndësishëm “Mungesa e kompetencave të qeverisë”, ku përfshihet edhe liria e shtypit, vendi ynë renditet e 105 mes 140 vendeve.
Sa i përket mungesës së korrupsionit, Shqipëria renditet në vendin e 107, ndërkohë që një vit më parë renditej e 105-ta. Në transparencën e qeverisë, Shqipëria ka bërë dy hapa para, duke u renditur e 84 ndërkohë që një vit më parë ishte vendin e 82.
Sesa i respekton shteti të drejtat sipas ligjeve kombëtare dhe konventave ndërkombëtare të njerëzve të tij, vendi ynë renditet 63 nga 62 në 2021. Sa i përket faktorit tjetër të rëndësishëm, rendi dhe siguria, Shqipëria renditet në vendin e 50 nga i 47 që ishte një vit më parë. Zbatimi i rregulloreve, Shqipëria zë vendin e 112 ndërkohë që në vitin 2021 ishte në vendin e 107.
Kurse për drejtësinë civile, Shqipëria rendit në vendin e 98 teksa një vit më parë në vendin e 92, ndërsa për drejtësinë penale renditemi në vendin e 81, nga 82 që ishte në 2021.