Tunizia pritet të përjashtohet nga Botërori.
Kjo gjë thuhet se mund të ndodhë për shkak të ndërhyrjeve të qeverisë në çështjet e futbollit.
Siç raporton “BBC Sport”, FIFA është e shqetësuar nga komentet e ministrit të Rinisë dhe Sporteve të Tunizisë, Kamel Deguiçe, i cili ka folur për idenë e “shpërbërjes së byrove federale”.
“Çdo mospërmbushje e këtyre detyrimeve mund të rezultojë në vendosjen e gjobave sipas ligjeve të FIFA-s, duke përfshirë pezullimin e shoqatës përkatëse”, shkruhej në letrën e dërguar nga drejtori i shoqatave anëtare të FIFA-së për sekretarin e Federatës së Futbollit të Tunizisë.
Ai shton se të gjithë anëtarët e FIFA-s janë “të detyruar ligjërisht të kryejnë punët e tyre në mënyrë të pavarur dhe pa ndikim të panevojshëm nga palët e treta”.
Një tjetër që rrezikon të përjashtohet nga Botërori është Irani, për shkak të ngjarjeve të shumta që po ndodhin atje.