Kampionia e atletikës shqiptare Luiza Gega ka shkëlqyer në gjysmë maratonën e zhvilluar të dielën në Serbi, duke marrë medaljen e artë me kohën 1 orë, 12 minuta e 55 sekonda.
Atletja është rikthyer në kompeticionet ndërkombëtare pas një mungesë 2-vjeçare dhe ka treguar menjëherë cilësitë e saj. Gega konfirmon edhe një herë dominimin e saj në garat ballkanike, duke u ngjitur në majën e podiumit dhe duke i dhuruar një tjetër sukses Shqipërisë dhe klubit Tirana ku ajo është pjesë.
Ky është titulli i katërt ballkanik i artë në gjysmëmaratonë dhe medalja e 24-t e artë në total për Luizën në Kampionatet Ballkanike, një arritje që dëshmon klasën, përkushtimin dhe vazhdimësinë e saj në atletikë.